1 һуури — Үльдэргын багшын ажалай ветеран Ханда Сандаковна Доржиева эрхимлээ.
ТЭМСЭЛ УРЯАЛНА
Үлгэн дэлхэйн агаар амасан,
Урихан эжын үлгын дуунһаа
Хуһан зөөлэхэн үлгыдэ үлгыдүүлэн,
Хөөрхэн хүүгэн энеэбхилэн һажана.
Эхэ эсэгын найдал- жаргал
Энхэ этигэл сэдьхэлдэнь тарина.
Шэнжэлэн шэртэн харасагаан хөөрэнэ,
Шэнэлэн мүндэлһэн одо заяан –Хүн түрэлтэн!
Угсаата арадайнгаа уг дамжуулжа,
Ухаан бэлигтэй эрдэмтэн гү, малшан гү,
Ерээдүй сагай ехэ Хүн түрэлтэниие
Ажабайдалай тэмсэл дуудана.
“Хүн гээшэ – эрдэни,
Хүнэй ухаан оёоргүйл даа, гүнзэгы…” – гээд
Хэбэлэгдэнхэй “Зургаадахи океанда”
Хэтэ мүнхэ багша-зохёолшон баримтална.
Оньһото машина онсо хэрэглэн,
Замбуулинай дайдые зүндөө захадана.
Байгаалиин нюуса шэнжэлэн нээгдэжэ,
Бүгэдэ арадай байдал бүхэжэнэ.
Бүмбэрсэг энэ дэлхэй дээрэ
Бэлдээтэй бэлэн юумэн байдаггүй,
Ухаан бодолой, наһанай баялигые
Улад зоной илалтын жаргалда
тэмсэл уряална.
***
Буряад хэлэнэй барагдашагүй баялигһаа.
Шэнэ сагай эрилтэ
Шангахан гартаа адханхай,
Шадабари, һургаал,заабари
Шабинартаа хүртөөхэ зорилготой.
Арадай аман зохёолой абдарһаа
Түүхэ, домог уудалан шэнжэлжэ,
Арадайнгаа ёһо заншалай далайһаа
Алтан дуһаалнуудые шүүжэ абан,
Буряад хэлэнэй барагдашагүй баялигые
Ургажа ябаһан үхибүүдэй
Ухаан бодолдонь шэнгээжэ,
Сэдьхэлдэнь һайхан мэдэрэл түрүүлжэ,
Сэхэ харгыда арюухан табиналта.
“Урихан эжым шарайһаа
Үлгэн дэлхэй дулааханһаа”
Үлзы хэшэгтэ хүртэнэлта шабинартаяа,
“Эхэ хэлэн – манай баялигһаа”
Эрхим һууринуудые эзэлэн ябаһан Танай
Эрхим багшын нэрэ хүндэтэй!
2 һуурида Нарһатын 2-хи һургуулиин багша Сырегма Содномовна Тудупова гараа.
ЗУРГААДАХИ ОКЕАН – ХҮН ТҮРЭЛТЭНЭЙ ТЭМСЭЛТЭ ЗАЯАН
Залуу һүрэг булта,
Урдаа уялга табин,
Росси гүрэн түшэлгэтэй,
Гүн орьёл ухаагаа,
Арьбажуулан тэрэнээ,
Абъяастайгаар хүмүүжүүлэг лэ!
Далан дабаа гаталжа,
Аза талаанаа дээшэлүүлжэ,
Хүрьһэтэ алтан дэлхэйдээ,
Изагууртан бүхэн хүгжэг лэ!
Оньһотойхон хүнэй наһан,
Кино мэтэ үнгэрнэ.
Ебхэгэр олон жэлнүүд,
Алас жэрын үнгэржэ,
Нойрсон дуурана.
Хоншуухан үнэрөөр анхилжа,
Үрэжэлтэй дайдамнай найгаһан мэтэ,
Ногоохон байгаалимнай урихан лэ!
Толото Ехэ Замбиие,
Үглөөнэй наран һэреэнэ.
Радио баһал ханын
Эжэлүүдгүй аһаагдана.
Лимбын һайхан дуун доро,
Тала нуга нэмжынэ.
Эдир наһанай хүүгэднай
Найдамтай өөдөө дэгжэнэ.
Эб нэгэдэн хамтараад
Ирагуу зохидоор дэгжэнэ.
Томо бага нютагуудта,
Эбтэй ажал ябуулагдана,
Мүнхэдөө жаргажа һуухаяа,
Сэсэнхэн ухаагаа гүйлгүүлнэ.
Элбэг дэлбэг байхаяа,
Лабаар ажалаа хэнэ.
Тойрон байһан баялигаа,
Эзэд шэнгеэр харана.
Заяанаймнай заншал,
Агууехэ һургаал,
Ямаршье үе сагта
Адис мэтэ хүртэжэ,
Нөөсэ болгоон ябаел!
3 һуури Эгэтын Адагай Сэбэгма Пунцуковна Доржиева абажа шадаа.
ХҮНЭЙ ХУБИ- ТЭМСЭЛТЭ ЗАЯАН
Эхын умайhаа унаха сагhаа
Энээхэн юртэмсын байдал амсанаш.
Тʏрʏʏшын нулимсата абяанhаа
Тʏбхинэхэ аргаяа бэдэрнэш.
Замай заяанай зѳѳлэнhѳѳ
Залиршагʏй зулаар бадарнаш.
Υнгэтэ энэ юртэмсэhѳѳ
Υдэр бʏриин тэмсэлдэ hуранаш.
Хʏнэй хубиhаа, тэмсэлтэ заяанhаа
Холодон тэрьедэжэ шадахагʏйш.
Сээжэ соохи бʏхэ голhоо
Сасаран бадарна аза жаргал.
Урмашуулагдаа Асагадай һургуулиин багша Оюна Цыбиковна Дондукова
ЗУРГААДАХИ ОКЕАН – ХҮН ТҮРЭЛТЭНЭЙ ТЭМСЭЛТЭ ЗАЯАН
Хүлгүү энэ дэлхэй дээр
Хүмүүнэй бэе оложо,
Хүн боложо мүндэлөөд,
Хүн ёһоор наһаяа
Дууһан эдлэхэ гээшэ
Хэлэшэгүй орёо хүшэр лэ.
Хүрьһэтэ алтан дэлхэй дээр
Хүнэй гансахан наһан
Һүүдэр мэтээр үзэгдөөд,
Хүхэ мүнхэ тэнгэридэ
Зэлэ татаһан шубуудтал
Сууряан болон мүнхэрнэл.
Оршолон холборхой юртэмсэ
Оройдоошье һанаашаар болоногүйл,
Оршолонто дэлхэйн табисуурые
Ондоошье болгохын аргагүйл,
Хүн түрэһэн бэемни
Хэзээдэш мүнхэ бэшэл.