1 һуури- Мужыхын Саяна Ринчиновагай шүлэг эрхим гэгдээ:
БУРЯАД ХЭЛЭН – БАЯН ХЭЛЭН
Бурханһаа үгтэһэн буряад арадай
Баян хэлэн үндэһэн хэлэеэ
Баабай эжынэрэйм, элинсэгүүдэйм
Бата найдалай нангин.
Баханшье арадтаа таатайшье һаа,
Баян хэлэеэ магтан бидэ
Үри хүүгэдтэ залгуулан дамжуулжа,
Үндэһэн хэлээрээ хөөрэлдэн ябаял.
Сэсэн мэргэн буряад арадай
Сэдьхэлынь хэзээш арюун юм.
Сэсэн үнэтэй аман үгэнь
Сээжэ зүрхэ баясуулан байдаг.
Торгондол зөөлэхэн хэлэеэ
Тооһогүй наринаар абажа ябаял.
Танилсан инаглан ябахадашье
Томоотой хонгор нангин хэлээрээ
Хөөрэлдэн ябаял.
Тиигэбэл үндэһэн хэлэеэ магтан
Түрэһэн үндэһэн тоонтодоо түбхинэн,
Түрэл минии аха дүүнэр,
Түрэһэн нютагаа магтуулан ябахабди!
2 һуурида Эгэтын Адагай Оюна Болотова гаража шадаа:
СЭДЬХЭЛЭЙМ ТҮБ – ЭГЭТЫН АДАГНИ
Түүхэ домогтой тоонто нютагни
Түб болохо урматай юм.
Сагай элдэб бэрхэшээл
Сагаан сэдьхэлээр зоримгой дабанаш.
Сэсэглэн һалбараад, гоёлши,
Сэдьхэлэйм түб болохо – Эгэтын Адагни.
Урдаһан Үдын сэнхир хадагаар
Угтажа айлшадаа хүлеэн абанхайш.
Эрдэм солоёо мандуулнаш,
Энэрхы сэдьхэлээр зоримгой дабшанаш.
Сэсэглэн һалбараад, гоёлши,
Сэдьхэлэйм түб болохо – Эгэтын Адагни.
Алтан гартай ажалша зоншни
Аласай замдаа азатайл байна.
Шэнэ зуун жэлдэ шударгы оронхой
Шэмэглэн ороноо баясуулыш.
Сэсэглэн һалбараад, гоёлши
Сэдьхэлэйм түб болохо – Эгэтын Адагни.
3 һуури – Хориин 2-дохи һургуулиин Банзарагша Балданов
Буян хэшэг түхөөхэб,
Буусахан тоонтоёо дээшэнь үргэхэб,
Буряад ёһо заншалаа сахин ябахаб,
Бурьялма эхэ хэлэеэ хүгжөөхэб,
Буурал аба эжыгээ хүндэлэн ябахаб.
***
Эрьюулгэтэ дэлхэй дээрэ
Элдэб хүнүүд ушардаг.
“Ой модон- үндэртэй, набтартай,
Улад зон- һайтай,муутай”-
Оньһон үгэ- зүйтэй.
Зүгөөр сагаан һайхан сэдьхэл
Байдаг юм даа хүнүүдтэ.
Бэе бэеэ хүлисэжэ, хүлеэжэ,
Бүдэрөө һаань- дүнгэжэ,
Буряад, ород- илгаагүй,
Үгэ нэгэтэй – эбтэй
Ябабалнай – буянтай!
***
Хорбоо дэлхэйн альган дээрэ
Хүн боложо түрөө хадаа,
Хэһэн ажал хэрэгээрээ
Хүндэ туһатай байгаа һаашни,
Хүсэл, бодол, сэдьхэлээрээ
Хүнэй түлөө оролдоо һаашни,
Хуби заяаншни жаргалтай байхал
Хүсэд дүүрэн дүнтэй байхал.
Урмашуулагдаа Яруунын аймагай Нарһатын
1-дэхи дунда һургуулиин 7 ангиин һурагша Батуева Баира:
Хүгшэн эжым һайхандаа.
Эльгэ нимгэхэн хүгшэн эжымнай
Эртын наранай элшээр бодожо,
Энээхэн үлзы һайхан дэлхэй
Энхэрэн маанадаа угтуулнат.
Зургаан үринэрэйнгөө замуудта
Зүбтэй заабаринуудые заажа,
Наһанайнь үргэн харгынуудта
Найдажа сэдьхэлээ бэлэглээт.
Аша зээнэрээ өөдэнь үргэлсэн,
Ажаглан урмашан һуухадатнай,
Уршалаа хасарыетнай эльбэн
Удаан таашаан таалахадам зохид.
“Хүн болодог юм багаһаа”, — гэжэ
Хөөрхэн арбагархан шабинартаа
Гушаад жэлэй хугасаа соо туршажа,
Гүн бодолтой сэдьхэлээ зорюулаат.
Хүгшэн эжынгээ иимэ һайханда
Хэшэг буян элбэгээр хүртүүлжэ,
Энэ дэлхэйн тэмсэлтэ заяанда
Энэрхы уринаар хүндэлэел!