ХүрьҺэтэ алтан дэлхэй дээрэ
Хүн боложо мүндэлһэншни,
Элүүр энхэ түрэһэншни
Энхэргэн эжыл ааб даа, эжы!
Аятай бүлеэхэн альгатай,
Уян зөөлэн сэдьхэлтэй,
Урин дулаан шарайтай
Энхэргэн эжыл ааб даа, эжы!
ХэнҺээшье хэмгүй ехээр мэгдэжэ,
Хайрата дулаан бэедээ няажа,
Энэрхы зөөлэн сэдьхэлдээ зобожо,
Энхэргэн эжыл ааб даа, эжы!
Үетэн соогоо үндыжэ,
Үгы биие мэдэржэ,
Үзэсхэлэн юртэмсэтэй танилсажа,
Энхэргэн эжыл ааб даа, эжы!
Зол жаргалтай,
Жабхалан һүлдэтэй,
Зон нүхэдтэй
Энхэргэн эжыл ааб даа, эжы!