Балшар бага наhамни
Балайшье ехэ hананагүйб,
Баяртай уриханаар эжымни.
«Бэрхэш даа» — гээд тэбэридэг hэн.
Эжынгээ зүүлэн энхэрэл доро,
Эдирхэн наhанай онгосо
Эршэтэйхэнээр hэлюурдэн
Энэл боложо ябанаб даа.
Альган дээрээ бөөмэйлhэн,
Ашата минии эжыхэн.
Энэрхы hайхан сэдьхэлтэй
Эрхим зоной нэгэн юм.
Эреэн – Буурал Баабайhаа үршөөлтэй,
Бэлшэр – Хатан Эжыhээ адистай,
Баабай эжын сагаан буянтай,
Бурханай заяаhан талаан бэлигтэй.
Баян дүршэл ехэтэй,
Бурьялма баян хэлэтэй,
Дууша hайхан сэдьхэлтэй,
Эрхим багша – минии эжы!
Тоо бодолгын хэшээлдэ,
Тоомоошье таhарха забдагүй,
Тэгшэ даруухан зан соонь,
Тоолоно, бодонобди нэтэрүүхэн.
Эжымни гэртээ байхадаа,
Эльгэлэн намаяа энхэрдэг
Сэбэр hайхан эжымни
Сагаан сэдьхэлтэй Эхэ даа!