Yлбэр зондо тулга боложо,
Yтэлһэн хγндэ гараа һарбайжа,
Yбшэн гасаланда дайрагдаһаниие
Yдэр, һγнишье байгаа һаань,
Аргалжа шадаха шэдитэй,
Алдарта эмшэнэй зиндаатай,
Альган дээрэ тэнжэһэн,
Ашата мини эжыхэн.
Yлбэр тулюур хγниие
Yнжэгэн зөөлэн γгөөрөө,
Сэдьхэл налгайхан харасаараа,
Сагаан һайхан зангаараа,
Эрдэм бэлиг мэдэсээрээ,
Элγγр болотор аргалхадаа,
Хγл дээрэнь гаргахадаа,
Хγхин баярлан ябадаг даа.
Эрхыдээ эмтэй гэдэгээрээ,
Эмшэ-аргашан ажалаараа,
Yндэр сэгнэлтэдэ хγртэнхэй,
Yльдэргэ соогоо суурханхай.
Урихан эжым шарайһаа
Урма зориг орожо,
Энэрхы дулаан сэдьхэлһээнь
Эдэгэжэ болохот, магадгγй.
Эжым һайхан заншалтай,
Элбэг дэлбэг эдеэтэй,
Тоһо-γрмэ, айрагаар,
Тоорто-пирог, хуруудаар
Ходол маанадаа хγндэлдэг,
Хγлеэн бэлдэн угтадаг.
Энеэбхилһэн эжым шарай
Эдир минии зγрхэн соо.
Эрхимээр һургуулияа дγγргэхэб даа,
Эжынгээ мэргэжэл шэлэхэб даа!
Будажанаева Туяна, Ульдэргын дунда
һургуулиин 11-дэхи ангиин һурагша.